Seema

• Ranchi

• A Brief about yourself and how you describe your own Personality and Persona.

Main SEEMA, padhi likhi, ek middle class me janmi, parivarik paramparao ka palan karte hue, oonche soch rakhne wali, sabka samman karne wali aur naye zamane ke sath chalne wali mahila hu.

• Your Achievements that makes you feel high.

Ek housewife hone ke naate, maine humesha dusro ke liye hi jiya. Maine khud par kabhi bhi dhyan nhi diya. Aur na hi mujhe kabhi mauka mila ki mai apne liye kuch haasil karu. Iss nazariye se, mera iss pratiyogita me bhaag lena kisi uplabdhi se kam nahi hai. Mrs. India ka contestant hona hi mere liye ek badi uplabdhi hai aur ye mujhe ooncha mehsoos kara rahi hai.

• Define the true beauty.

True beauty, sacchi sundarta, ko define karna mere nazariya me bahut mushkil hai. Fir bhi mere nazariye me true beauty Bahari nahi balki antrik hai. Yadi aapke hriday me khud ke liye respect nahi hai, toh wah sundarta hi kya. Itna hi nahi yah respect khud ke alawa apne desh, apni society, sare mortal and immortal chizo ke liye bhi honi chahiye.

• What makes a complete, healthy and happy family for you?

Mere liye ek sampoorn, svasth aur khushhaal Parivar who hai jaha humesha pyar aur sneh ka samavesh ho. Jaha sab ki bhavnao ka mehatav diya jata ho. Jaha positivity aur safe environment ho. Aur sabhi me samarthan ke vichaar ho.

• What is your favourite Idea of Holidaying?

Meri nazar me holidays ka matlab hai nayi chizo ko explore Karna. Jaise apne family ke sath beaches explore karna, trecking karna Kuch creative kaam karna jaise singing, dancing, meditation karna, Games khelna aur tv dekhna.

• Why you are participating in Mrs India Queen of Substance?

Mrs. India Queen of Substance me participate krne ki meri first priority “SELF CONFIDENCE” ko badhana hai. Yeh munch married women ko mauka deti hai apne talent and beauty ko duniya ke samne dikhane ka. Halaki stage par khud ko represent karna aur judges ke sawalo ke jawab dena kathin hote hai par mere liye ye bahut achi opportunity hai. However, it also provides an excellent opportunity to face my fears and build self-confidence. Opportunities to Network Developing Communication Skills Personal Growth Encourages Community Involvement Further Industry Opportunities

• What bothers you most about what is happening in the country today?

Meri nazar me humare desh me aisa kuch nahi ho raha hai jis se desh ke log pareshan ho. Acchai burai sikke ke do pehlu hai, toh agar positivity dekhe toh negativity ka usme koi asar nahi hota. Hume apne desh par naaz karna chahiye aur uske sabhi niyamo ka palan larnkarna chahiye. JAI HIND, JAI BHARAT.

• The Quote or saying that encourages you?

To be successful you must accept all the challenges that come your way. You can ’t just accept the ones you like.

• What is true “Sportsmanship” for you?

Meri nazar me true sportsmanship ka matlab hai dono Paksh, yani pratiyogi aur pratispardha ke darshak, ek dusre ka samman kare. Sath hi dono paksho me loyalty aur morality ho.Or sabhi khiladiyo ko khel se sambhandhit sabhi niyamo ke prati respect hona chahiye.

• If you were selected as a Charity Ambassador what Value addition would you like to make for our Society and how?

Yadi mujhe charity ambassador ke roop me niyukt hone ka samman diya jata h toh sabse pehle mai vanchit bacho ki siksha ko badhawa dene ki koshish karungi. Mai unki siksha Ke liye paise jutaungi. Charity show ka ayojan karungi. Mujhe lagta hai ki hum iss tarah ki chamatkar kar sakte hai kyuki ye baate aapki aatmik honi chahiye. Iss tarah se mai jaruratmand bacho ka kaushal vikash kar ke unhe independent banane ki koshish karungi taki wo apne jivan ko acche se bita sake. Iske alawa mai health ke prati bhi logo me jagrukta failaungi. Dusro ki madad karne se peace, pride and purpose ki bhavna paida hoti hai. Ek Charity ambassador ke nazariye se mai adhik se adhik logo ko charity me bhaag lene ke liye protsahit karungi Aur ek mahila hone ke naate mai women empowerment me jarur samarthan karungi.